原來聽日就係書展啦，時間真係過得好快！由踏入猴年開始，我每日都朝住呢個目標進發！每一日都好似冇休息過咁，書啦，歌啦，公仔啦，不停咁係我腦海中轉呀轉～其實而家諗番當時嘅初衷，好簡單，就係因為我嘅fans催咗我幾年要出書！😂 我呢朵奇葩可以喺娛樂圈生存咁耐，好大原因係因為佢哋對我嘅支持。我諗大家呢幾年應該都各自經歷咗唔少野，睇我呢本書，可能令你最有感觸嘅係：佢都可以抬起頭笑哂口咁走過嗰d曲折嘅人生路，我有咩理由唔得！所以無論今日嘅你係開心或者失意，希望你哋都毋忘初衷～繼續向住你哋嘅目標奮鬥！長成自己喜歡的模樣✨！
聽日去書展嘅朋友，我已經打探咗，我本書好似喺書展周圍都有得買咁，留意下萬里知出版，商務等等，支持一下小女子嘅心血結晶啦！係冇小說咁多字，但都有幾萬字；係冇水著寫真咁火辣，但都有廿個造型；係冇森美咁好文采，但係誠意十足！聽日書展，一於帶佢番屋企啦！同場加映仲有100套 pigsa & dreamy pure figure 喺書展咪住書等你嚟拎佢哋番去浪～帶佢哋食好住好又或者去捱世界都冇問題！最緊要同佢吔影多d相post上網同我哋分享！仲有一首我送俾fans嘅新歌《最近好嗎》MV 7.22就要同大家見面啦！敬請期待！😁 #書展 #萬里知出版 #長成自己喜歡的模樣 #pigsa #dreamy #purefigure #2016
Search